دوو كەس بە تۆمەتی فێڵكردن دەستگیركران

لەلایەن هێزەكانی پۆلیسەوە دوو تۆمەتبار دەستگیركران كە بە فێڵ پارەیان لە هاوڵاتییەک وەرگرتبوو.

بەڕێوەبەرایەتیی پۆلیسی پارێزگای سلێمانی رایگەیاند، دوای ئەوەی هاوڵاتییەکی بە ناسنامە عەرەب لە بنکەی پۆلیسی چوارچرا سکاڵای یاسایی تۆمارکرد کە دوو کەس بە بیانووی کارئاسانیکردن بۆی لە بنکەی پۆلیس بڕی (1500) دۆلاریان لێوەرگرتووە و هەڕەشەیان لێکردووە کە دەبێت بڕی (5000) دۆلاری تریان بداتێ، دوای لێکۆڵینەوە و بەدواداچوونەکان بۆ دۆزینەوە و دەستگیرکردنی تۆمەتباران، توانرا لەلایەن هێزەکانی پۆلیسەوە هەردوو تۆمەتبار بدۆزرێنەوە و دەستگیربکرێن.

لەکاتی دەستگیرکردنیاندا دەستگیرا بەسەر ئەو بڕە پارەیەدا کە بەفێڵ لە هاوڵاتییەکەیان وەرگرتبوو، وەك ئەوەی لە راگەیەندراوەكەی پۆلیسدا هاتووە.

ئاشكراشیكرد، لەئێستادا هەردوو تۆمەتبار (ر.ک.ع.) لەدایکبووی 1990 و (س.ص.) لەدایکبووی 1982 بە بڕیاری دادوەر و بەپێی ماددەی 312 لە یاسای سزادانی عێراقی راگیراون و لێکۆڵینەوە لەگەڵیان بەردەوامە.

بابەتی پێشتر

دوو منداڵ بەهۆی كەوتنەناو بیر-ەوە گیانیان لەدەستدا

بابەتی دواتر

لە دهۆك كەسێك بڕێك پارەی ژمارەیەك كرێكار دەبات و هەڵدێت

بابەتی پەیوەندیدار
زیاتر ببینە

دۆلار بەرزبووەوە

نرخی دراوەكان بۆ ئەمڕۆ سێشەممە لە بازاڕەكانی هەرێمی كوردستان بڵاوکرانەوە، نرخی دۆلار بەراورد بە دوێنێ دووشەممە بەرزبوونەوەی تۆمارکردووە.…
Total
0
Share