لە ئاهەنگێكی هاوسەرگیریدا شەڕ دروستبوو و كەسێك كوژرا و كەسێكی دیكەش برینداربوو.
لەو بارەیەوە رائید هەرێم دڵشاد بەڕێوەبەری پۆلیسی تەق تەق رایگەیاند، لەئاهەنگێكی هاوسەرگیریدا و بەهۆی كێشەیەكی كۆمەڵایەتی پێشووتر شەڕ لە نێوان دوو بنەماڵە دروستبوو كە خزمی یەكن بەو هۆیەوە دووكەس برینداربوون كە تەمەنیان 19 و 50 ساڵبووە”.
وتیشی، “دوای چارەسەری سەرەتایی بریندارەكان رەوانەی نەخۆشخانەی فریاكەوتنی كەركوك كراون، بەهۆی سەختی برینی یەكێكیان لە نەخۆشخانەی فریاكەوتنی كەركوك گیانیلەدەستداوە.
راشیگەیاند، تۆمەتباران دانیشتووی سنوورەكە نین و دانیشتووی هەولێرن دوای رووداوەكە هەڵاتوون فەرمانی دەسگیركردنیان بۆ دەرچووە بەپێی ماددەی 405-31 لە یاسای سزادانی عێراقی.
