بە فەرمانێکی کارگێڕی کۆتایی بە کارەکانی بەڕێوەبەری هاتوچۆی سلێمانی/ بە وەکالەت هێنرا و دانانی عەمید ئاسۆ محەمەد ئەمین بەهرام وەک شوێنگرەوەی لەو پۆستەدا راگەیەندرا.
لە فەرمانەکەدا کە واژووی عەمید دیدار عومەر قادر بەڕێوەبەری هاتوچۆی هەرێمی کوردستان/بە وەکالەتی لەسەرە، هاتووە، “عەمیدی هاتوچۆ عومەر نامیق حەسەن بەڕێوەبەری هاتوچۆی سلێمانی بە وەکالەت کۆتایی بە ئەرکەکەی هاتووە”.
هەروەها ئاماژە بەوەکراوە کە عەمید ئاسۆ محەمەد ئەمین لە بەڕێوەبەرایەتیی گشتیی پۆلیس/ پۆلیسی کارەبای گەرمیان، وەک بەڕێوەبەری گشتیی هاتوچۆی سلێمانی بە وەکالەت دەستبەکاردەبێت.
