ئاسایشی رۆژئاوای سلێمانی دەستگیرکردنی ئەندامانی باندێکی تەقەکەر و رێگری راگەیاند کە لە پێنج کەس پێکهاتوون.
لە راگەیەندراوەکەی ئاسایشدا هاتووە، ئەو پێنج کەسە کاریان رێگریکردن و تەقەکردن بووە لە هاوڵاتییان.
ئاماژە بەوەکراوە، لەپێناو سەروەریی یاسا و فەراهەمکردنی ئاسایش و ئارامی بۆ هاوڵاتییان، لەسەر بڕیاری دادوەری لێکۆڵینەوەی ئاسایش، هێزەکانی ئاسایشی رۆژئاوای سلێمانی توانیان پێنج تۆمەتبار دەستگیربکەن.
تۆمەتبارەکان بریتیین لە ( م، س، ص ) ، ٢-( ه، ب، ک ) ، ٣-( ج، ح، ح ) ، ٤-( س، ە، ر ) ، ٥-( ی، ه، ص ) کە هەستاون بە ڕێگریکردن و وەرگرتنی سەرانە و تەقەکردن لە هاوڵاتییان، لەناوچەکانی تەکیەی کاکەمەند و ئاغجەلەر.
ئەو تۆمەتبارانە بەفەرمانی دادوەری لێکۆڵینەوە، بە ماددەی (441) لەیاسای سزادانی عێراقی راگیراون و لێکۆڵینەوە لە دۆسیەکانیان بەردەوامە.
