بەهۆی شۆرتی كارەبای ئۆتۆمبێلێك، ئاگر لە ئۆتۆمبێلەكە و دەغلودانی هاوڵاتییەك لە گوندی رەشدوور-ی سنووری ناحیەی قەسری دروستبوو.
رووداوەكە ئەمڕۆ بووە و بەڕێوەبەرایەتیی بەرگریی شارستانی سۆران دەڵێت، تیمی ئاگرکوژێنەوەی بنکەی بەرگریی شارستانی قەسرێ گەیشتنە شوێنی رووداوەکە، توانییان ئاگرەکە بکوژێننەوە و رێگری لە زیادبوونی بکەن و زیانەکان کەمبکەنەوە.
لەو رووداوەدا جگە لە سوتانی ئۆتۆمبێلەكە، كارتی نیشتمانی و بڕێك پارەی خاوەنەكەی، هەروەها پارچەیەك زەوی چێندراو بە گەنم و جۆ سووتا. لەگەڵ ئەوەشدا توانرا دوو کێلگەی ئاژەڵ و پەلەوەر و کارگەیەکی غاز لە سووتان رزگاربکرێن.
