بەڕێوەبەرایەتی گشتی رێگاوبان و ئاوەدانکردنەوە و نیشتەجێکردنی سلێمانی تونێلی پێشڕەو بۆ ماوەی سێ شەو دادەخات و هۆکارەکەی چاککردنەوەی سیستمی هەواگۆڕکێی ناو تونێلەکەیە.
لە راگەیەندراوەکەدا ئاماژە بۆ ئەوە کراوە، “هاوڵاتییان و شۆفێران ئاگاداردەكەینەوە، بۆ ماوەی سێ شەو تونێلی پێشڕەو دادەخەین”.
بەپێی بەڕێوەبەرایەتیی رێگاوبانی سلێمانی، شەوانی 17، 18 و 19ی تەمموز، لەكاتژمێر 9:00ی شەو بۆ 4:00ی بەیانی بە مەبەستی سیانەكردنی سیستمی هەواگۆڕكێ و رووناكی و ئاگركوژێنەوە، تونێلی پێشڕەو دادەخرێت.
داوا لە هاوڵاتییان و شۆفێران دەكات لەو ماوەیەدا هاوكاری تیمەكانی چاككردنەی بەڕێوەبەرایەتییەكەبن.
