ئەندامێکی ئەنجومەنی پارێزگای سلێمانی ڕایگەیاند، سوورین لەسەر ڕەتکردنەوەی بڕیارەکانی پەیوەست بە کامێرای دیاریکردنی تیژڕەوی.
ڕەمەزان نامیق ئەندامی ئەنجومەنی پارێزگای سلێمانی ڕایگەیاند، “ئەنجومەنی پارێزگا سوورە لەسەر جێبەجێکردنی بڕیارەکانی تایبەت بە ڕەتکردنەوەی دانانی کامێرای تیژڕەوی و چاودێری و بۆ ئەو مەبەستە وەکو ڕێککاری دووەم لە ڕێگەی چەند ئەندامێکی ئەنجومەنی پارێزگا داوای ڕوونکردنەوە لە بەرزترین دەسەڵاتی جێبەجێکار دەکات، کەهۆکاری جێبەجێنەکردنی بڕیارەکانمان چییە”.
ئاماژەی بەوەشکرد، “بە پێی یاسا هەر بڕیارێک لە ئەنجومەنەوە دەربچێت پێویستە پارێزگار و سەرجەم فەرمانگە حکومییە پەیوەندیدارەکان پێوەی پابەند بن، بە پێچەوانەوە بەرپرسیارێتی یاسایی و ئیداری و مێژووییان دەکەوێتە سەر شان”.
