بەرگری شارستانیی هەولێر رایگەیاند، “لە دووکانێکی جلوبەرگ، لە نهۆمی دووەمی گراند ماجیدی مۆڵی هەولێر ئاگرکەوتەوە و تەنها زیانی ماددی لێکەوتووەتەوە”.
کاروان میراودەلی، وتەبێژی بەرگری شارستانیی هەولێر لە لێدوانێکیدا ئاماژەی بەوە کرد، “لە کۆگای دووکانێکی جلوبەرگ لە گراند ماجیدی مۆڵی هەولێر لە نهۆمی دووەم ئاگرکەوتووەتەوە و بە زووترین کات کۆنترۆڵکراوە”.
ئەوەشی خستەڕوو، “تا ئێستا هۆکاری ئاگرکەوتنەوەکە نازادرێت و دوای لێکۆڵینەوە لە چۆنێتی رووداوەکە هۆکارەکەی ئاشکرا دەکرێت، سەبارەت بە زیانەکانیش تەنها زیانێکی ماددی کەم بە شوێنەکە گەیشتووە”.
