چوار ئەستێرەی بەهێزی بواری تێنسی سەرزەوی گەیشتنە قۆناغی پێش کۆتایی پاڵەوانێتی ویمبلدۆن.
هەریەک لە نۆڤاک جۆکۆڤیچ، یانیک سینەر، دانییڵ میدڤیدێڤ، کارلۆس ئالکاراز قۆناغی چارەکی کۆتایی پاڵەوانێتی ویمبڵدۆن-یان تێپەراند و بە سەرکەوتوویی گەیشتنە قۆناغی نیوەی کۆتایی.
بڕیارە لەو قۆناغەدا، یانیک سینەری ئیتاڵی ڕووبەڕووی جۆکۆڤیچ ببێتەوە، هەروەها ئالکاراز بەرامبەر میدڤیدێڤ یاری بکات، لە کاتێکدا سیان لەو یاریزانانە هەڵگری ناسناوە گەورەکانی “گراند سلام”ن و لە ئێستادا بە بەهیزترینەکانی جیهان ناودەبرێن.
سەرەڕای ژمارەی خاڵ و پاداشت و گەورەیی ویمبڵدۆن، جۆکۆڤیچ و ئالکاراز لەسەر بردنەوەی ناسناوەکە گرەودەکەن، بەوپێیەی براوەیان خانەی یەکەمی ڕیزبەندیی یاریزانە پیشەگەرەکانی بواری تێنسی سەرزەوی دەگرێت.
