لەماوەی 24 كاتژمێری ڕابردوودا 163 توشبووی نوێی كۆرۆنا لە هەرێم تۆماركراون و جارێكی دیكەش ژمارەی چاكبووان زیاترە.
وەزارەتی تەندروستیی هەرێمی كوردستان ئەمڕۆ چوارشەممە 23ی كانونی یەكەم ئاماری 24 كاتژمێری تایبەت بە كۆرۆنای بڵاوكردەوە و ئاشكرایكرد لەو ماوەیەدا سێ هەزار و 915 پشكنینی نوێ ئەنجامدراون و لەو ژمارەیە 163 توشبووی نوێ تۆماركراون.
هەر لەو ماوەیەدا 337 توشبووی پێشووی نەخۆشییەكە چاكبوونەتەوە و هەشت نەخۆشیش گیانیان لەدەستداوە كە زۆرترینیان لە دهۆك بووە بە سێ حاڵەت.
كۆی گشتی توشبووانی نەخۆشییەكە لە هەرێم گەیشتە 102 هەزار و 267 كەس، لەو ژمارەیە 67 هەزار و 881 كەسیان چاكبوونەتەوە و سێ هەزار و 356 كەسیشیان گیانیان لەدەستداوە.
