گەنجێك کە تەمەنی 19 ساڵ بووە لە چین دوای ئەنجامی پشكنینەكان دەردەكەوێت كە تووشی نەخۆشیی زەهایمەر ( لەبیرچوونەوە) بووە.
بەپێی هەواڵێكی ماڵپەڕی حورە، ئەو گەنجە ماوەی دوو ساڵ چەند نیشانەیەكی ئەم نەخۆشییەی تێدا دەركەوتووە و لەوانە، زۆر شتی بیرچووەتەوە و گرفتی لە خوێندنەوە هەبووە.
ئاماژە بۆ ئەوەش كراوە، “كاتێك چاوی بە پزیشكەكان كەوتووە بیری چووەتەوە كە ڕۆژی پێشتر چی خواردووە”.
ماڵپەرەكە ئاشكرایكردووە، ئەم گەنجە لە قۆناغی كۆتایی خوێندنی ئامادەییدا بووە، بەڵام بە ناچاری بەهۆی ئەم حاڵەتەوە وازی لە خوێندن هێناوە.
