زۆرێک لە توێژینەوە پزیشکییەکان ئامۆژگاری ئەو کەسانە دەکەن کە تووشی هەوکردنی جومگەکان بوون ئەو خۆراکە تەندروستانە بخۆن کە پێویستن بۆ لەش، بەڵام لە هەمان کاتدا هۆشداری دەدەن لە هەندێک خۆراک کە هەوکردن و نیشانە پەیوەندیدارەکانی توندتر دەکەن.
شەکری زیادکراو
لە لێکۆڵینەوەیەکدا کە کۆلێژی رۆماتیزمی ئەمریکی لەسەر کەسانی تووشبوو بە هەوکردنی رۆماتیزمی جومگەکان ئەنجامیانداوە، توێژەران ئاماژەیان بەوە کردووە کە لەنێو 20 جۆر خۆراکدا دەردەکەوێت کە خواردنەوە گازییەکان و شیرینی شیرینکراو بە شەکر ئەگەری زۆرە نیشانەکانی نەخۆشییەکە توندتر بکەن.
خوێ
توێژینەوەیەک کە لەسەر مشک کراوە لە ساڵی 2019 لەلایەن توێژەرانی کۆلێژی پزیشکی زانکۆی یۆنسێی لە کۆریای باشوور ئەنجامدراوە، دەرکەوتووە کە هەوکردنی جومگەکان توندتر دەبێت لەو مشکانەی کە خۆراکی دەوڵەمەند بە خوێیان خواردووە بە بەراورد بەو مشکانەی کە خۆراکەکانیان کەمتر خوێی تێدایە.
خۆراکە پرۆسێس کراوەکان
ئەو خۆراکانەی کە زۆر پرۆسێس کراون وەک خواردنی خێرا و گۆشتی پرۆسێس کراو و ماددە پارێزەرەکان و فرۆکتۆز و پێکهاتەکانی تریان تێدایە ئەگەری هەیە هەوکردن زیاد بکەن و لە بەرامبەردا نیشانەکانی هەوکردنی جومگەکان توندتر دەکەنەوە.
گلۆتینەکان
گلۆتین کۆمەڵە پرۆتینێکە کە لە گەنم و جۆ و دانەوێڵەکانی تردا هەن، هەندێک لە لێکۆڵینەوەکان گلۆتینیان بە زیادبوونی هەوکردنی جومگەکانەوە گرێداوە، هەروەها ئاماژەیان بەوە کردووە کە خۆراکی رووەکی دوور لەم پێکهاتەیە رەنگە چالاکیی نەخۆشی کەمبکاتەوە و هەوکردن باشتر بکات.
