وەزارەتی تەندروستی: حاڵەتێکی دیکەی گومانلێکراوی تای خوێنبەربوون لە زاخۆ هەیە

وەزارەتی تەندروستیی هەرێمی کوردستان ڕایگەیاند، حاڵەتێکی دیکەی تای خوێنبەربوون لە زاخۆ هەیە کە بەشێوەی سەرەتایی پشتڕاستکراوەتەوە و تووشبووەکە خەڵکی شەنگالە.

لە ڕاگەیەندراوێکدا وەزارەتی تەندروستیی هەرێمی کوردستان بڵاویکردەوە، دوای ئەوەی پێشتر حاڵەتێکی تای خوێنبەربوونیان لە هەولێر تۆمارکردووە، ئەمڕۆ لە زاخۆش حاڵەتێکی دیکە بەشێوەی سەرەتایی پشتڕاستکراوەتەوە.

کەسە تووشبووەکە خەڵکی شەنگالە سەرەتا لە زاخۆ پشکنینی بۆکراوە و بەشێوەی سەرەتایی پشتڕاستکراوەتەوە کە تووشبووی تای خوێنبەربوونە، لەئێستادا ڕەوانەی نەخۆشخانە کراوە لە شاری دهۆک.

بەپێی ڕاگەیەندراوەکە، باری تەندروستیی تاڕادەیەک جێگیرە و چارەسەرکردنی بەردەوامە.

ئاماژە بەوەشکراوە، ئەو حاڵەتەی پیشتر لە هەولێر تۆمارکراوە دوای وەرگرتنی چارەسەر نێردراوەتەوە بۆ ماڵەوە.

جەختیشکراوەتەوە، تیمە تەندروستییەکان ڕۆژانە پشکنین دەکرێت بەمەبەستی دۆزینەوەی حاڵەتەکان کە بە قۆناغێکی گرنگی کۆنترۆڵکردنی نەخۆشییەکە دادەنرێت.

لەبارەی حاڵەتە گومانلێکراوەکەی زاخۆوە، دکتۆر ئەفراسیاب موسا بەڕێوەبەری گشتیی تەندروستیی دهۆک بەتۆڕی میدیایی ئێستای ڕایگەیاند، پشکنینەکانی ئەو کەسە گومانلێکراوە ڕەوانەی بەغداد کراون و چاوەرێی ئەنجامی پشکنینەکان دەکەن.

وتیشی، گومانلێکراوەکە گەنجێکی تەمەن 23 ساڵە و ئاوارەی شەنگالە، دانیشتووی سنووری ئیدارەی سەربەخۆی زاخۆیە، ئێستا لەنەخوشخانەی لالاڤ لە دهۆک چارەسەر وەردەگرێت.

بابەتی پێشتر

دژی هەڵوەشاندنەوەی كۆنسێرتێك لە پەرلەمانی توركیا گۆرانیی كوردی وترایەوە

بابەتی دواتر

لە ڕۆژهەڵاتی كوردستان كەسێك سێ فەرمانبەر دەكوژێت و ژمارەیەكی دیكەش بریندار دەكات

بابەتی پەیوەندیدار
زیاتر ببینە

لە هەرێمی کوردستان پێداویستیی دەستنیشانکردنی جۆرێکی دیکەی کۆرۆنا دابین دەکرێت

لەگەڵ بڵاوبوونەوەی جۆرێکی دیکەی ڤایرۆسی کۆرۆنا بەناوی “زنجیرەی دەلتا” وەزارەتی تەندروستیی هەرێم ڕایگەیاندووە، پێداویستیان بۆ دەنستنیشانکردنی ئەو جۆرەی…
Total
0
Share