دوای ڕەتكردنەوەی كاندیدبوونی هۆشیار زێباری لەلایەن دادگای فیدراڵییەوە، پارتی كاندیدێكی دیكەی بۆ ئەو پۆستە پێشكەشكرد.
مەحمود محەمەد، وتەبێژی پارتی دیموكراتی كوردستان ڕاگەیەندراوێكی بڵاوكردەوە و تیایدا دەڵێت،پارتی بە فەرمی (ڕێبەر ئەحمەد خالد) وەزیری ناوخۆی حكومەتی هەرێمی كوردستانی وەك كاندیدی پۆستی سەرۆك كۆماری عێراق ڕادەگەیەنێت.
دەشڵێت، كاندیدكردنەكە دوای ئەو پێشهاتە سیاسی و “كۆسپ و تەگەرانە” كە خرانە بەردەم هەڵبژاردنی سەرۆك كۆماری عێراق و، لەپێناو بەردەوامبوونی هەنگاوە دەستوورییەكانی ناو پڕۆسەی سیاسیی عێراقە.
دوێنێ دادگای باڵای فیدراڵی بڕیاریدا بە ڕەتكردنەوەی كاندیدبوونی هۆشیار زێباری بۆ پۆستی سەرۆك كۆمار.
