یانەی لیڤەرپوڵی ئینگلیزی بۆ بەهێزکردنی پێکهاتەکەی، دەیەوێت لە گواستنەوەکانی هاوینەدا یاریزانی یانەی ناپۆلی، ڤیکتۆر ئۆسیمین بگوازێتەوە بۆ ڕیزەکانی.
ڕۆژنامەی “لاگازێتا دیلۆ سپۆرت”ی ئیتاڵی بڵاویکردووەتەوە، کە بەڕێوەبەرانی یانەی لیڤەرپوڵ پەیوەندییان بە ڕۆبێرتۆ کالێندا-ی لێپرسراوی کارەکانی ڤیکتۆر ئۆسیمینەوە کردووە.
لە بەرامبەردا، ئۆریلیۆ دی لاورێنتسی سەرۆکی ناپۆلی هیچ ڕێگرییەکی نەکردووە و دەیەوێت ئەستێرەکەی نایجیریا بە بەهای 180 ملیۆن یۆرۆ بفرۆشێت.
ڕاپۆرتەکان ئاماژەیان بەوەش کردووە، کە جگە لە لیڤەرپوڵ، یانەکانی مانچستەر یونایتد و چێڵسی بە هەمانشیوە دەیانەوێت تواناکانی ئەو یاریزانە بەدەستبهێنن.
ئۆسیمین یەکێکبوو لە پاڵەوانانی ناپۆلی بۆ بەدەستهێنانی ناسناوی کالچیۆ، دوای ئەوەی توانی 26 گۆڵ تۆماربکات و خەڵاتی گۆڵکاری خولەکە بەدەستبهێنێت.
