جێگری وەزیری نەوتی ئێران ئاشکردیکرد کە حکومەتی عێراق سەرجەم قەرزەکانی گازی سروشتی وڵاتەکەمانی داوەتەوە، بەڵام ئێستا ناتوانین دەستمان بگات بەو پارانە.
میدیای فەرمیی ئێران بڵاویکردەوە، “عێراق سەرجەم قەرزەکانی گازی سروشتی دابینکردووە، بەڵام ئێستا بەهۆی کێشەیەکی گواستنەوەوە ناتوانین ئەو پارەیە بەکاربهێنین”.
ئەمە دوای ئەوە دێت کە پێشتر وەزارەتی دەرەوەی عێراق رایگەیاند، لەگەڵ ئەمریکا گەیشتوونەتە رێککەوتن بۆ بەخشین لە سزاکان بەمەبستی ئەوەی عێراق بڕی 2.7 ملیار دۆلاری قەرزی ئێران بگەڕێنێتەوە.
