لە وڵاتی فەڕەنسا بەهۆی تەقەكردنەوە، سێ پۆلیس كوژران و پۆلیسێكی دیكەش بریندار بووە.
بەگوێرەی هەواڵێكی ئاژانسی ئەی ئێف پی-ی فەڕەنسی، ئەمڕۆ چوارشەممە 23ی كانونی یەكەم، لە ڕوداوێكی تەقەكردندا لە ناوەندی فەڕەنسا، سێ پۆلیسی فەڕەنسی كوژران و پۆلیسێكی دیكەش بریندار بووە.
ئەوەش خراوەتەڕوو، ئەو ناوچەیەی ڕوداوەكەی لێبووە دەكەوێتە ناوەڕاستی فەڕەنسا و ناوی بۆی دی دۆم-ە.
ڕوداوەكە لەكاتێكدابووە، ئەو پۆلیسانە هەوڵیانداوە ژنێك ڕزگار بكەن لە سەربانی خانوویەكەوە كە داوای بەهاناوەچوونی كردبوو بەهۆی توندوتیژیی خێزانییەوە.
ئاماژە بەوەكراوە، ڕەنگە ئەو كەسەی تەقەی كردووە كێشەی دەروونی هەبێت.
