توێژینەوەیەکی زانستیی ئاشکرایکردووە، ئەو کەسانەی ماڵیان لە نزیک فڕۆکەخانەیە زیاتر ئەگەری تووشبوونیان بە نەخۆشییەکانی دڵ هەیە.
بەپێی توێژینەوەیەک کە لە لایەن شارەزایانی بەریتانییەوە ئەنجامدراوە دەرکەوتووە، “ئەو کەسانەی ماڵەکانیان لە نزیک فڕۆکەخانەکانە زیاتر ئەگەری تووشبوونیان بە جەڵتەی دڵ و نەخۆشییەکانی دیکەی دڵ هەیە”.
توێژەران دەڵێن،” هۆکاری حاڵەتەکە بۆ ئەو دەنگە بەرزانەی فڕۆکەکان دەگەڕێنەوە کە لە درەنگانی شەود دروستی دەکەن، کە دەبنە هۆی زیاتر دەردانی هۆڕمۆنی دڵەڕاوکێ و جگە لەوەی فشاری خوێن بەرزدەکەنەوە”.
بە وتەی توێژەران ئەو پیاوانەی تەمەنیان سەروو 65 ساڵانە بەراورد بە کەسانی دیکە زیاتر مەترسییان لەسەرە.
