وەزارەتی پێشمەرگە وادەی پێشكەشكردن بۆ وەرگرتنی خوێندكاران لە خولی نوێی ئەفسەران لە كۆلیژەكانی سەربازی 2ـی زاخۆ و 3ـی قەڵاچوالان ئاشكرادەكات.
بەپێی راگەیەندراوێكی وەزارەتی پێشمەرگە كە وێنەیەكی دەست تۆڕی میدیایی ئێستا كەوتووە و تێیدا هاتووە، سەرۆكایەتیی ئەركانی وەزارەتی پێشمەرگە بانگەوازێكی تایبەتی راگەیاندووە بۆ وەرگرتنی خوێندكاران لە خولی نوێی ئەفسەران، لە كۆلیژەكانی سەربازی 2ـی زاخۆ و 3ـی قەڵاچوالان و هەركەسێك ئارەزوومەندە، دەتوانێت فۆڕمی داواكاری پڕبكاتەوە، بەپێی ئەو مەرج و رێنماییە پێویستانەی كە دیاریكراون.
ئاماژە بەوەشكراوە، وەرگرتن بۆ هاوڵاتییان و پێشمەرگەیە و داواكاریی لە 5ـی تەمموزی 2023 دەستپێدەكات و لە 20ـی تەمموزی2023، كۆتاییدێت.
