بەڕێوەبەرایەتیی ئاسایشی راپەڕین بازرگانێكی ماددەی هۆشبەریان بە چەندین پارچەی ئامادەكراو بۆ فرۆشتنەوە دەستگیركرد.
بەپێی راگەیەندراوێكی دەزگای ئاسایشی هەرێم كە وێنەیەكی دەست تۆڕی میدیایی ئێستا كەوتووە وتێیدا هاتووە، دوای كۆكردنەوەی زانیاری و چاودێریكردنێكی ورد، هێزەكانی ئاسایشی راپەڕین، بەفەرمانی دادوەری لێكۆڵینەوەی ئاسایش، لە 21ی ئەم مانگە تۆمەتبارێكیان دەستگیركرد بەناوی( س ، ی ، ع ) كە رەگەزی نێرە و چەندین پارچەی ئامادەكراو، ماددەی هۆشبەری لە جۆری ( هێرۆین ) پێبووە، بە مەبەستی فرۆشتنی.
لە راگەیەندراوەكەدا هاتووە، تۆمەتبار بەپێ ی ماددەی 25 لە یاسای بەرەنگاربوونەوەی ماددەی هۆشبەر و كارتێكەرە عەقڵییەكان راگیراوە و لێكۆڵینەوە لە دۆسییەكەی بەردەوامە.
