پەرلەمانتارێكی یەكێتی لە ئەنجومەنی نوێنەرانی عێراق رایدەگەیەنێت، نرخی سووتەمەنی لە هەرێم هاوشێوەی پارێزگاكانی عێراقی لێدێت.
د. نەرمین مەعروف پەرلەمانتاری فراكسیۆنی یەكێتی لە ئەنجومەنی نوێنەرانی عێراق لە لێدوانێكی رۆژنامەوانیدا رایگەیاند، لە چەند رۆژی داهاتوودا یاسای بودجە لە رۆژنامەی فەرمیی عێراق بڵاودەكرێتەوە و راستەوخۆ سەرجەم بڕگە و ماددەكانی یاسای بودجە دەخرێتە بواری جێبەجێكردنەوە.
ئاماژەی بۆ ئەوەش كرد، لە 25ی ئازاری ئەمساڵەوە كە هەناردەی نەوتی هەرێم راگیراوە سەرجەم شایستە داراییەكانی هەرێم كەوتووەتە ئەستۆی حكومەتی عێراق و چاوەڕواندەكرێت نرخی سووتەمەنی لە هەرێمی كوردستان هاوشێوەی سەرجەم پارێزگاكانی عێراقی لێبێت.
