سەرۆكایەتیی شارەوانیی سلێمانی رایدەگەیەنێت، تیمەكانی بەشی خزمەتگوزاریی سەرۆكایەتیی شارەوانی بە هاوكاریی بەشی پۆلیسی شارەوانی هەڵمەتێكیان بۆ شەقامی (هەواری شار، ناوچەی گەشتیاریی تاڤگە و قلیاسان) ئەنجامدا.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، سزای ئەو كاسبكارانە درا كە بوونەتە هۆی ناشرینكردن و شێواندنی سیمای شۆستە و شەقامەكان بە فڕێدانی پاشماوەی خۆڵ و خاشاك، هەروەها لەلایەن تیمەكانی بەشی خزمەتگوزارییەوە ئاگاداركران كە پابەندی رێنماییەكانبن.
هەر لە راگەیەندراوەكەدا هاتووە، لە بەردەوامیی هەڵمەتەكانی بەشی خزمەتگوزاریی شارەوانی دەستكرا بە خاوێنكردنەوە و كۆكردنەوە خۆڵ وخاشاك و ڕنینی گژوگیای شەقام و شۆستەكان و هەڵمەتەكە لە شەقام و كۆڵانەكانی گەڕەكی (كانی با، قڕگە، گەڕەكی كوردسات، شەقامی چواردەوری پاركی هەواری شار، ناوچەی گەشتیاریی تاڤگە و چیای گۆیژە) ئەنجامدران.
