كامیل قەزاز بریكاری وەزارەتی كارەبای هەرێم رایدەگەیەنێت، 92%ی پڕۆژەی پێوەری زیرەك كە بۆ كۆنتڕۆڵكردن و بە ئەلیكترۆنیكردنی كارەبایە تەواوبووە و بەپێی خەمڵاندنەكان ئێستا بەفیڕۆچوون لە 40%ەوە بۆ 30% كەمبووەتەوە و دەشڵێت، “سووتانی محاویلەكانی دابەشكردنی كارەبا بۆ گەڕەكەكانی ناوشارەكان بەهۆی دانانی ئەو پێوەرانەوە زۆر كەمیكردووە”.
راشیگەیاند، توانای بەرهەمهێنانی كارەبا لە هەرێمی كوردستان (4300 بۆ 4400) مێگاواتە، بەڵام بەهۆی كاری چاككردنە و سیانەوە لە ئێستادا بڕی بەرهەم دەگاتە (3500) مێگاوات، لەگەڵ ئەوەشدا لە وەرزی هاویندا و زیادبوونی خواست و داواكاری دەگاتە نزیكەی 5 بۆ 6 هەزار مێگاوات.
ئاشكراشیكرد، لە ئێستادا 92%ی كارەكانی پڕۆژەی پێوەری زیرەك تەواوبووە و یەك ملیۆن و 320 هەزار پێوەری زیرەك دانراوە.
