لە ناوەڕاستی مانگی نیسانەوە شەپۆلێکی گەرمای سەخت مەکسیکی گرتووەتەوە، بەوهۆیەوە تائێستا هەشت کەس گیانیان لەدەستداوە.
حکومەتی مەکسیک ئاماژەی بەوەکردووە، حەوت لە قوربانییەکان بەهۆی گەرما و هەشتەمیان بەهۆی وشکبوونەوەی لەش لە نێوان 14ی نیسان تا 12ی حوزەیران گیانیان لەدەستداوە.
سێ کەسیان لە ویلایەتی ڤێراکرۆز لە رۆژهەڵاتی ویلایەتی ڤێراکرۆز، دوو کەس لە ویلایەتی کوینتانارۆ لە باشووری رۆژهەڵاتی ویلایەتی کوینتانارۆ، دوو کەسی دیکە لە سۆنۆرا لە باکوور و کەسێکی دیکە لە ئۆاکساکا لە باشوور گیانیان لەدەستداوە.
لە مەکسیک پلەکانی گەرما لە ماوەی هەفتەی ئێستادا گەیشتە بەرزترین ئاستی پێوانەیی کە 35 پلەی سەدییە.
لە شاری مۆنتەری لە باکووری رۆژهەڵاتی وڵاتەکە پلەی گەرما لە سەرووی 40 پلەی سەدییەوەیە، ئەم شارە کە ساڵی رابردوو تووشی وشکەساڵییەکی بێ وێنە بوو، بەهۆی وشکەساڵییەوە ناوچەکە بێ ئاو و بەهۆی زۆری بەکارهێنانی کارەباوە بێ کارەبایی رووبەڕووی ناوچەکە بووەوە.
