بڵێسەی ئەو ئاگرەی بەشێكی زۆری ناوچە سەوزایی و دارستاكانی باشووری ڕۆژئاوای توركیای گرتووەتەوە بەردەوامە، سەرەڕای تیمە ناوخۆییەكان، سێ وڵاتی دیكە لە هەوڵی كوژاندنەوەیدا بەشدارن.
ماوەی چەند ڕۆژێكە ئاگرێكی بەهێز ناوچەكانی (ئەنتاڵیا، موغلا، مێرسین و ئەدەنە)ی گرتووەتەوە و سەرەڕای هەوڵەكانی تیمەكانی ئاگركوژێنەوە و هێزە ئەمنییەكان و هاوڵاتییان، هێشتا ئاگر لە چەند دارستانێك بەردەوامە.
بەپێی زانیارییە سەرەتاییەكان تائێستا شەش كەس گیانیان لەدەستداوە و دەیانی دیكە برینداربوون، ئەمەش سەرەڕای چۆڵكردنی دەیان گوند و ناوچە و هەندێك لە هۆتێل و شوێنە گەشتیارییەكان.
ڕەجەب تەیب ئەردۆغان، سەرۆكی توركیا ڕایگەیاند، زیاتر لە 70 ئاگركەوتنەوەی گەورە لەم هەفتەیەدا بەدرێژایی كەناراوەكانی دەریای ئیجە و دەریای سپی ناوەڕاست كەوتوونەتەوە.
وتیشی، “ئەو دارستانانەی سووتاون وەک ‘ناوچەی کارەساتی کاریگەر لەسەر ژیانی گشتی’ ڕادەگەیەنین”.
هاوشانی تیمەكانی توركیا، فڕۆكەكانی ڕوسیا، ئۆكرانیا و ئازربایجان لە هەوڵەكانی كوژاندنەوەی ئاگرەكەدا بەشدارییان كردووە.
