لەلایەن هێزەكانی پۆلیسی ناو بازاڕی سلێمانییەوە كەسێك بەتۆمەتی دزینی زیاتر لە 100 مۆبایل لە دوكانێكدا دەستگیركرا.
بەڕێوەبەرایەتیی پۆلیسی پارێزگای سلێمانی رایگەیاند، دوای ئەوەی هاوڵاتییه‌ك سكاڵای تۆماركرد كە دوكانه‌كه‌ی بڕاوه و زیاتر له 100 مۆبایلی لێدزراوه، هێزه‌كانی پۆلیس لێكۆڵینەوە و بەدواداچوونەكانیان بۆ دۆزینه‌وه و ده‌ستگیركردنی تۆمه‌تبار دەستپێكرد.
دوای وەرگرتنی بڕیاری دادوەر، تۆمه‌تبار دۆزرایەوە و له‌لایه‌ن مه‌فره‌زه‌كانی نوسینگەی ناو بازاڕی نەهێشتنی تاوانه‌وه ده‌ستگیركرا.
پۆلیسی سلێمانی دەڵێت، تۆمەتبار (س.ا.س. له‌دایكبووی 2001 بە ناسنامە عەرەب) دانی به‌تاوانه‌كه‌یدا ناوه و لەئێستادا بە بڕیاری دادوەر و بەپێی ماددەی 443 لە یاسای سزادانی عێراقی راگیراوە.
