پێنج خۆراك دڵ و دەمارەكان دەپارێزن

شارەزایان پێنج خۆراك دیاریدەكەن كە ئەگەری تووشبوون بە نەخۆشییەكانی دڵ و دەمارەكان كەمدەكەنەوە.

ئەو پێنج خۆراكەش بریتین لە:

– ئۆمیگا 3: پێویستە سیستمی خۆراك بڕی پێویست ترشە چەورییە تەندروستەكانی تیابێت. ئەو ترشانەش لە ماسییەكانی سەلەمون، تونە، سەردین و رنكە-دا هەن. بۆیە پێویستە هەفتانە 2-3 جار بخورێت. هەروەك ئەم جۆرە ترشە لە سەرچاوە رووەكییەكانی وەك بایەم، گوێز، تۆوی كەتان، تۆوی چیا و سۆیا-دا هەیە.

– زەردەچەوە: پێكهاتەكانی ناو زەردەچەوە دڵ لە گرژبوونی ماسولكەكان دەپارێزێت لەلای ئەو نەخۆشانەی تووشبوون بە جۆری دووەمی نەخۆشیی شەكرە.

– چای سەوز: توێژینەوەیەك كە 40 هەزار و 530 ژاپۆنی بەشدارییان تیاكردووە، دەریدەخات ئەو كەسانەی رۆژانە پێنج كوپ یان زیاتر چای سەوز دەخۆنەوە، مەترسیی مردن بە نەخۆشییەكانی دڵ تیایاندا كەمترە بە رێژەی 26% بەراورد بەوانی دیكە.

– ماددە دەوڵەمەندەكان بە مەگنسیۆم وەك سەوزە گەلا تۆخەكان، چەرەسات، تۆوەكان، فاسۆلیا، پاقلەمەنییەكان و ئەڤۆگادۆ. سەرجەمیان سەرچاوەی باشی مەگنسیۆم-ن و كاریگەریی ئەرێنییان لەسەر دڵ و دەمارەكان هەیە.

– شكۆلاتە: زانایانی زانكۆی كامبریدج ئاشكرایدەكەن كە خواردنی شكۆلاتەی تۆخ مەترسیی تووشبوون بە تێكچوونی لێدانی دڵ بە رێژەیەكی بەرچاو كەمدەكاتەوە.