لە میانەی سەردانەکەی بۆ میسر محەمەد شیاع سودانی سەرۆک وەزیرانی عێراق بۆ میسر رایگەیاند، 11 یاداشتی لێکتێگەیشتنیان واژۆ کردووە.
محەمەد شیاع سودانی سەرۆک وەزیرانی عێراق لە کۆنگرەیەکی رۆژنامەوانی هاوبەشدا کە لەگەڵ مستەفا مەدبولی هاوتا میسرییەکەی سازیکرد رایگەیاند، “عێراق گەیشتووە بە دۆخی ئارامی، رۆڵی خۆی لە ناوچەکەدا دەگێڕێت، لە بودجەی سێ ساڵیدا هەنگاوەکانی بوژاندنەوە و ئەنجامدانی پرۆژەی خزمەتگوزاری جێبەجێ دەکەین”.
ئاماژەی بەوەشکرد، “ئێمە سوورین لەسەر بوونی کۆمپانیا میسرییەکان لە وڵاتەکەمان و لەو چێوەیەشدا لەم سەردانەدا 11 یاداشتی لێکتێگەیشتنمان واژۆ کردووە”.
دوێنێ دووشەممە محەمەد شیاع سودانی بە سەردانێک گەیشتە میسر و لەلایەن عەبدولفەتاح سیسی سەرۆکی میسرەوە پێشوازی لێکرا.
