وەزارەتی ژینگەی عێراق پلانێکی راگەیاند بۆ رووبەڕووبوونەوەی زریانی خۆڵبارین و دەیانەوێت پشتێنەی سەوزایی لە چواردەوری شارەکان دروست بکەن.
وەزارەتی ژینگەی عێراق ئاماژەی بەوەشکردووە، دەیانەوێت تەکنیکەکانی ئاودێری مۆدێرن و بەڕێوەبردنی سەرچاوەکانی ئاو بە شێوەیەکی دروست بەکاربخەن لەپێناو کەمکردنەوەی کاریگەرییەکانی شەپۆلی خۆڵبارین.
هاوکات، رووپۆشکردنی زەوی بە رووەک و چاندنی ئەو جۆرە نەمامانەی کە بەرگەی وشکەساڵی و گەرما دەگرن بەشێکی دیکەیە لە پڕۆژەکە و دەیانەوێت سوود لە ئەزموونی وڵاتان وەربگرن لە رووبەڕووبوونەوەی زریانەکانی خۆڵبارین و دەستنیشانکردنی سەرچاوەکان.
