هێلیکۆپتەرێکی هێزەکانی ئەمریکا لە رۆژئاوای کوردستان کەوتە خوارەوە و 22 سەرباز برینداربوون.
فەرماندەیی ناوەندیی سوپای ئەمریکا بڵاویکردەوە، “لە رێکەوتی 11ی ئەم مانگە هێلیکۆپتەرێکی هێزەکانی سوپای ئەمریکا لە رۆژئاوای کوردستان کەوتووەتە خوارەوە بەهۆیەوە 22 سەرباز برینداربوون کە برینی ژمارەیەکیان سەختە و لە بەشی چاودێری چڕن”.
ئاماژەی بەوەشکرد، “ژمارەیەک سەربازیان تەندروستیان جێگیرە و نەخۆشخانەیان جێهێشتووە”.
ئاشکراشیکرد، “لێکۆڵینەوە لە رووداوەکە دەستیپێکردووە، بەڵام هیچ ئاماژەیەک بۆ ئەوە ناچن هێرشکرابێتە سەری”.
