لەبارەی بڕینەوەی دارەكانی چیای گۆیژەوە شارەوانیی سلێمانی ڕوونكردنەوە دەدات

سەرۆکایەتیی شارەوانیی سلێمانی، لەبارەی بڕینەوەی دارەكانی چیای گۆیژەوە ڕوونكردنەوە دەدات و دەڵێت، زیادەڕۆییان لابردووە.

لە ڕاگەیەندراوێكدا كە وێنەیەكی دەست تۆڕی میدیایی ئێستا كەتووە، شارەوانیی سلێمانی ڕایگەیاند، ئەمڕۆ دووشەممە تیمەکانی بەشی سەرپێچی و لادانی زیادەڕۆیی بە ھاوکاریی پۆلیسی شارەوانی و ئاسایشی ناوشار، ھەستان بە لابردنی ئەو زیادەڕۆییانەی خرابوونەسەر زەوییەکانی بناری گۆیژە.

شارەوانیی سلێمانی دەڵێت، “بە ھەموو لایەکی ڕایدەگەیەنین کە ئەنجامدانی ئەو کارە دوای پێدانی چەندین جار ئاگادارینامە بووە بەو کەسانەی زەویی شارەوانییان بەکارھێناوە بۆ بەرژەوەندیی تایبەتی خۆیان”.

بەپێی ڕاگەیەندراوەكە، کاری ئەمڕۆی تیمەکانی شارەوانیی سلێمانی، بە مەبەستی کارئاسانیکردن بووە بۆ جێبەجێکردنی دروستکردنی شەقامێکی گشتی لە بەرژەوەندیی ھاوڵاتییان و شاری سلێمانی لەو ناوچەیەدا.

سەرۆکایەتیی شارەوانیی سلێمانی جەختدەكاتەوە، لایەنی جێبەجێكاری پڕۆژەكە پابەندكراوە بە دووبارە ڕوواندنی سەرجەم نەمام و ئەو ڕێژە سەوزاییەی لەسەر ئەو زەوییانە هەبوون.

بابەتی پێشتر

مووچەی سەربازی عێراقی لە 700 هەزار دینار كەمترنابێت و هەرێمی كوردستان دەگرێتەوە

بابەتی دواتر

پیکێ جگە لە شاکیرا تووشی کێشەیەکی دیکە بووە

بابەتی پەیوەندیدار
زیاتر ببینە

قائیمقامی سلێمانی: پێویسته‌ هه‌موومان پێكه‌وه‌ ڕێكاره‌كانی خۆپارێزی جێبه‌جێ بكه‌ین

قائيمقامی سلێمانی ڕایده‌گه‌یه‌نێت، ڤایرۆسی كۆرۆنا به‌ڵایه‌كی گه‌وره‌یه‌ و به‌رۆكی مرۆڤایه‌تی گرتووه‌ بۆیه‌ پێویسته‌ پێكه‌وه‌ ڕێكاره‌كانی خۆپارێزی جێبه‌جێ بكه‌ین…
Total
0
Share