نۆڤاک جۆکۆڤیچ، ئەفسانەی تێنسی سەرزەوی دوای بردنەوەی ناسناوی “ڕۆلاند گارۆس”، لووتکەی ڕیزبەندیی یاریزانە پیشەگەرەکان و ڕیزبەندیی ئەو ئەفسانانەی گرتەوە کە خاوەنی زۆرترین ناسناوی “گراند سلام”ن.
بە بردنەوەی ناسناوی کراوەی فەرەنسا “ڕۆلاند گارۆس”، جۆکۆڤیچ هاوبەشیی لەگەڵ ڕافائێل نادالی ئیسپانی شکاند و بووە تاکە یاریزان لە مێژووی تێنسی سەرزەوی، کە (23) ناسناوی گەورە “گراند سلام”ی بەدەستهێناوە.
جۆکۆڤیچ بۆ سێیەم جار لە ژیانی وەرزشیدا پاڵەوانێتی “ڕۆلاند گارۆس”ی بردەوە، دوای ئەوەی لە یاری کۆتایی پاڵەوانێتییەکەدا بە ئەنجامی 7-6، (6-3)، (7-5) لە کاسپەر ڕوودی نەرویجی بردەوە.
بردنەوەکە کاریگەریی لەسەر ڕیزبەندیی یاریزانە پیشوەرەکانی جیهان دروستکرد و بەم جۆرە گۆڕانکاریی بەسەرداهات:
نۆڤاک جۆکۆڤیچ 7595 خاڵ
کارلۆس ئەلکاراز 7175 خاڵ
دانیاڵ مێدڤێدێڤ 6100 خاڵ
کاسپەر ڕوود 4960 خاڵ
ستیفانۆس تسیتسیپاس 4920 خاڵ
دان هۆڵگەر ڕۆن 4375 خاڵ
ئاندرێ ڕوبلێڤ 4000 خاڵ
تایلۆر فریتز 3515 خاڵ
یانیک سینەر 3300 خاڵ
کارین خاشانۆڤ 3125 خاڵ
