دوای نیوەڕۆی ئەمڕۆ لە رووداوێکی هاتوچۆدا لەسەر رێگای کەلار – خانەقین شەش کەس برینداربوون.
بەڕێوەبەرایەتیی هاتوچۆی گەرمیان بڵاویکردەوە، “دوای نیوەڕۆی ئەمڕۆ ماتۆڕسکیلێکی سێ تایە کە بە ئاڕاستەی کەلار هاتووە پێش گەیشتنی بە خاڵی پشکنینی هێزەکانی ئاسایش، کەوتووەتە ناو جۆگەیەکی ئاودێری”.
ئاماژەی بەوەشکرد، “لە رووداوەکەدا لێخوڕی ماتۆڕسکیلەکە و پێنج سەرنشینی برینداربوون، سەرجەم بریندارەکان گەیەنراونەتە نەخۆشخانەی فریاکەوتنی شەهید هەژار بەمەبەستی وەرگرتنی چارەسەر و تیمەکانی هاتووچۆ لە لێکۆڵینەوە بەردەوامن”.
