بەڕێوەبەری بەشی مۆڵەت لە هاتوچۆی سلێمانی رایدەگەیەنێت، ئەو كەسانەی مۆڵەتی شۆفێرییان بەسەر دەچێت ئەگەر لە دەرەوەی وڵات بن بۆ ماوەی 60 رۆژ غەرامە ناكرێن، بەو مەرجەی لەرێگای پاسپۆرتەكەوە پشتڕاستیبكەنەوە و دوای تێپەڕبوونی ئەو وادەیە بۆ هەموو مانگێك پێنج هەزار دینار غەرامەی لەسەر ئەژماردەكرێت.
عەقید شیلان عوسمان بەڕێوەبەری بەشی مۆڵەت لە بەڕێوەبەرایەتیی هاتوچۆی سلێمانی لە لێدوانێكدا بە تۆڕی میدیایی ئێستای راگەیاند، ئەو كەسانەی كە مۆڵەتی هاتوچۆی هەرێمی كوردستانیان هەیە ئەگەر لە دەرەوەی وڵات بن تا ماوەی 60 رۆژ دوای بەسەرچوونی مۆڵەتەكەی غەرامە ناكرێت بەو مەرجەی لە رێگای پاسپۆرتەكەیەوە پشتڕاستیبكاتەوە.
ئاشكراشیكرد، دوای 60 رۆژ لە تێپەڕبوونی ئەو وادەیە بۆ هەموو مانگێك 5 هەزار دیناری لەسەر ئەژماردەكرێت.
بەرپرسەكەی هاتوچۆی سلێمانی باسی لەوەش كرد، لە ئێستادا نۆرەگرتن بۆ نوێكردنەوەی مۆڵەتی شۆفێری بە ئۆنلاینە و رۆژانە 450 مامەڵەی هاوڵاتییان رایدەكرێن.
