قوباد تاڵەبانی جێگری سەرۆکی حکومەتی هەرێمی کوردستان رایگەیاند کە پرۆسەی چاکسازی لە تۆماری کۆمپانیاکان لە هەرێمی کوردستان بەسەرکەوتوویی تەواوبووە.
جێگری سەرۆکی حکومەت دەڵێت، سیستەمی نوێی ئۆنلاین و گۆڕانکاری لە یاسا و رێنمایی و پرۆسەکان، هەلێک بۆ بازرگانان و خاوەنکار دەڕەخسێنن کە لە ماوەی تەنها یەک رۆژدا کۆمپانیاکانی خۆیان تۆماربکەن، بە تێچوویەکی کەم و یەک سەردان.
راشیگەیاندووە، پڕۆسەکە بەهاوبەشی لەگەڵ نوسینگەی سەرۆک وەزیران و لایەنە پەیوەندیدارەکان جێبەجێ کرا و هەنگاوێکی گەورەیە بۆ بەرەوپێشبردنی کەرتی تایبەت کە یەکێکە لە ئەولەویاتی کارەکانمان لە حکومەت و یارمەتیدەریش دەبێت بۆ رەخساندنی هەلی کاری زیاتر.
قوباد تاڵەبانی جەختدەکاتەوە، “بەڵێنماندا کە کارئاسانی لە دامەزراندنی کۆمپانیاکان بکەین و ئەمڕۆ جێبەجێمان کرد”.
