لە سنووری شارباژێڕ دوو گەنج لە کاتێکدا بۆ گەشت چووبوونە ئەو سنوورە لە ئاودا خنکان.
ئارام عەلی وتەبێژی بەرگریی شارستانیی شارباژێڕ، بە تۆڕی میدیایی ئێستای وت، لە دوو شوێنی جیاوازدا ئەمڕۆ لە سنووری شارباژێڕ دوو گەنج لە ئاودا خنکان، یەکێکیان لە خەمەڵۆکە و ئەوی دیکەیان لە کونەماسی خنکاون کە بەمەبەستی گەشت چووبوونە ئەو ناوچەیە.
باسی لەوەشکرد کە ئەو گەنجەی لە کونە ماسی خنکابوو، تەمەنی 36 ساڵە و تەرمەکەی دەرهێنراوەتەوە.
وتیشی، ئەو کەسەی لە خەمەڵۆکە خنکاوە، کەمێک پێش ئێستا ئاگادارکراونەتەوە لە رووداوەکە و تیمەکانیان چوونەتە سنوورەکە بۆ گەڕەن بەدوای تەرمەکەیدا.
