بەڕێوەبەرایەتیی کەشناسی و بومەلەرزەزانیی هەرێمی كوردستان ئاشکرایکرد، مانگی ڕابردوو زیاتر لە 50 بومەلەرزە لە هەرێمی کوردستان تۆمارکراون.
بومەلەرزەکان بەشێکیان لەئەنجامی کاریگەریی بومەلەرزەکانی ڕۆژهەڵاتی کوردستانەوە تۆمارکراون و وەک هەمیشە ناوچەکانی کرماشان و سەرپێڵی زەهاو بومەلەرزە تیایاندا ڕوویداوە و لە هەرێمی کوردستانیش زۆرینەیان هەستیانپێکراوە.
بەهۆی نزیکی لە شوێنی پێکگەیشتنی پلێتی عەرەبی و فارسی، لە سنووری خانەقینەوە تا باکووری کوردستان هێڵی بومەلەرزە درێژدەبێتەوە و هەفتانە حاڵەتی بومەلەرزە لەو ناوچانەدا تۆماردەکرێت.
ئێران وەک وڵاتێکی دراوسێی هەرێم یەکێکە لەو وڵاتانەی لەسەر هێڵی بومەلەرزەکانە و لە تازەترین حاڵەتدا دوێنێ بومەلەرزەیەک لە سنووری پارێزگای هورمزگانی دا و کەسێک گیانیلەدەستدا و 90 کەسی دیکەش برینداربوون.
