هەپەگە كوژرانی 19 سەربازی توركیای لە ناوچەكانی زاپ و مەتینا و ئاڤاشین ڕاگەیاند.
ناوەندی ڕاگەیاندن و چاپەمەنی هێزەکانی پاراستنی گەل – هەپەگە لە نوێترین ڕاگەیەندراویدا ئاماری چەند چالاکیەکی گەریلای بڵاوکردەوە و باسی لەوەكردووە لە ئەنجامی ئەو چالاکیانەدا کە لە ئاڤاشین و زاپ و مەتینا ئەنجامدراون 19 سەربازی توركیا كوژراون و چواری دیكەش برینداربوون.
هەپەگە ئاشكراشیكردووە، سوپای توركیا 23 جار بە چەکی کیمیایی و 31 جار بە فڕۆکەی جەنگی و سەدان جار بۆردوومانی هەرێمەکانیانی کردووە.
