رۆژنامەیەکی فەرمی تورکیا سامانەکەی رەجەب تەیب ئەردۆگان سەرۆکی تورکیا و بڕی ئەو قەرزانەی لەسەرییەتی ئاشکرادەکات.
رۆژنامەی رەسمی تورکیا بڵاویکردەوە، “رەجەب تەیب ئەردۆگان خاوەنی 86 هەزار دۆلارە لە سێ بانکی جیاواز، لەگەڵ یەکەیەکی نیشتەجێبوون و پارچەیەک زەوی”.
ئاماژەی بەوەشکرد، “بەهای یەکەی نیشتەجێبوونەکەی 370 هەزار دۆلارە و لە شاری ئیستانبوڵە و بەشێکی بەناوی هاوسەرەکەیەوەیەتی، زەوییەکەشی رووبەری 0.2 هێکتارە و لەسەر دەریای رەشە”.
ئاشکراشیکرد، “لەساڵی 2014 ەوە تا ئێستا یەک ئۆتۆمبێلی لە جۆری ئۆودی A8 هەیە، لە بەهاری ئەمساڵیشدا بووە خاوەنی یەکەمین ئۆتۆمبێلی کارەبایی دروستکراوی وڵاتەکەی”.
بەپێی رۆژنامەکە ئەردۆگان بڕی 250 هەزار دۆلاری ئەمریکی قەرزدارە .
