رەجەب تەیب ئەردۆغان سەرۆك كۆماری توركیا كابینەی نوێی حكومەتی وڵاتەكەی راگەیاند و وادەی یەكەم كۆبوونەوە راگەیەندرا.
میدیاكانی ئەو وڵاتە بڵاویانكردووەتەوە، جەودەت یەڵماز بە یاریدەدەری سەرۆك كۆمار دەستنیشانكراوە، هاكان فیدان بۆ وەزیری دەرەوەی توركیا، عەبدولقادر ئۆراڵئۆغڵو بە وەزیری گواستنەوە و گەیاندن دەستنیشانكراوە.
ئاماژە بۆ ئەوەش كراوە، ڤێدات ئیشكهان وەزیری كار، عوسمان ئاسكن باك وەزیری وەرزش و لاوان، فەخرەدین كۆجا بە وەزیری تەندروستی و محەمەد شیشمەك، وەزیری گەنجینە و دارایی، یەشار گولەر وەزیری بەرگری و ئیبراهیم یوماكڵی بە وەزیری كشتوكاڵ و دارستانی توركیا دەستنیشانكراوە.
هاوكات عەلی یاریلیكایا بە وەزیری ناوخۆ، عومەر بۆڵات بە وەزیری بازرگانی، ئاڵپارسان بایراكتار بە وەزیری وزە و سامانە سروشتییەكان دەستنیشانكراوە و بڕیارە رۆژی سێشەممە كابینەی نوێی حكومەت یەكەم كۆبوونەوە ئەنجامبدات.
