لە چێوەی کێبڕکێکانی هەفتەی (37) و پێش کۆتایی خولی فه‌ره‌نسا، یانه‌ی پاریس سان جێرمان به‌رامبه‌ر ستراسبۆرگ یەکسانبوونی تۆمارکرد و ناسناوی ئەم وەرزەی بەدەستهێنا.
یانه‌ی پاریس سان جێرمان له یاریگای “ئالمینۆ” یاریی هه‌فته‌ی (37)ی خولی فەرەنسای به‌رامبه‌ر ستراسبۆرگ ئه‌نجامدا، یارییەکە به ئه‌نجامی یەکسانبوون (1-1) کۆتاییهات.
گۆڵه‌کەی پاریس له خوله‌کی 59 له‌لایه‌ن لیۆنێل مێسی-یەوە تۆمارکرا، گۆڵەکەی ستراسبۆرگ لە خولەکی 79 لەلایەن کێڤن گامێرۆ-وە تۆمارکرا.
بەپێی ئەنجامە تۆمارکراوەکە، پاریس به کۆکردنەوەی (85) خاڵ و جیاوازی چوار خاڵ بەرامبەر یانەی لانس ناسناوی ئەم وەرزەی خولی فه‌ره‌نسای بەدەستهێنا، لە بەرامبەردا یانەی ستراسبۆرگ بە (40) خاڵەوە چووە پلەی (15).
ناسناوی خولی فەرەنسای وەرزی 2022/2023 ژمارە (11)یە لە مێژووی پاریس سان جێرماندا، هەروەها دووەم ناسناوی لەسەریەکە دەیچنێتەوە.
