دوای چەند هەفتەیەک لە کۆتاییهاتنی باری لەناکاوی جیهانی بەهۆی ڤایرۆسی کۆرۆناوە، رێکخراوی تەندروستیی جیهانیی هۆشداریی لە پەتای داهاتووتر دەکات و دەڵێت” بکوژترە”.
رێکخراوی تەندروستیی جیهانی بڵاویکردووەتەوە، “لەگەڵ ماوەی چەند هەفتەیەکە مەترسیی ڤایرۆسی کۆرۆنا نەماوە، بەڵام هێشتا چەند نەخۆشی و ڤایرۆسێکی دیکە هەڕەشەن لەسەر داهاتووی مرۆڤایەتی”.
ئاماژەی بەوەشکرد، “بەشێک لەو نەخۆشییانە ناسراون وەک ڤایرۆسی ئیبۆلا و سارس و هەندێک جۆری دیکە، بەڵام ئەو پەتایەی هەڕەشەی جدییە بە نەخۆشی X ناودەبرێت”.
رێکخراوەکە زاراوەی “نەخۆشی X” وەک وەسفی ئەو نەخۆشییە ناوبردووە کە هێشتا لای زانایانی بواری تەندروستی نەناسراوە و پێشبینی دەکرێت لە داهاتوودا بڵاوببێتەوە، بێ ئەوەی هیچ چارەسەرێک یان ڤاکسینێکی بۆ دۆزرابێتەوە.
بەشێک لە زانایانی بواری بایلۆجی پێشبینیان کردووە نەخۆشییەکە بەهۆی ئاژەڵەوە بگوازرێتەوە.
