توێژینەوەیەکی بەریتانی ئاشکرایدەکات بڵاوبوونەوەی کۆرۆنا و کەرەنتین بووە هۆی وێرانکردنی نەوەیەکی تەواو لە زۆر رووەوە.
توێژەران دەڵین، “حکومەتی وڵاتان لە دوای بڵاوبوونەوەی کۆرۆنا کەرەنتین و رێوشوێنی زۆر توندیان گرتە بەر بێ ئەوەی دەرئەنجامەکانی تاوتوێ بکەن و دڵنیاببنەوە لەوەی کە کاریگەری لاوەکی بۆ داهاتوو نییە، ئەمەش بووە هۆی ئەوەی نەوەیەکی تەواو لە لایەنی دەروونی و پزیشکی و فێرکارییەوە وێران ببن”.
ئاماژە بەوەشدەکەن، “کەرەنتین بووە هۆی گۆڕینی شێوازی خواردن، قەڵەوبوونی ژمارەکەی زۆر، وایکرد منداڵان و هەرزەکاران کێشەی ژیانی کۆمەڵایەتییەکان بۆ دروستببێت و نەتوانن پەیوەندی کۆمەڵایەتی ببەستن، ئالوودەی ئامێرە زیرەکەکان و تۆڕە کۆمەڵایەتییەکان ببن”.
ئاشکراشیدەکەن، “کەرەنتین کێشەیەکی گەورەی لە بواری فێرکردن دروستکرد و بووە هۆی ئەوەی تا ئێستاش ئەو منداڵانەی لە قۆناغی فێربووندان نەتوانن بە شێوازە کلاسیکییەکانی خوێندن رابێنەوە”.
