بەختیار شاوەیس، ئەندامی ئەنجومەنی نوێنەرانی عێراق، ئەمڕۆ دووشەممە 21ی کانونی یەکەم ڕایگەیاند کە کۆمسیۆنی بەڵای هەڵبژاردنەکانی عێراق ڕەزامەندیداوە لەسەر دامەزراندنی 840 فەرمانبەر لە هەرێمی کوردستان .
لە لێدوانێکدا بۆ تۆڕی میدیایی ئێستا، بەختیار شاوەیس وتی، ” دوای ئەوەی واژوومان کۆکردەوە بۆ دامەزراندنی فەرمانبەران، سەرۆکی کۆمسیۆنی باڵای سەربەخۆی ھەڵبژاردنەکان و کۆمیسیارەکان ڕەزامەندییاندا لەسەر دامەزراندنی (840) فەرمانبەر لە نووسینگەکانی کۆمسیۆنی باڵای ھەڵبژاردنەکان لە پارێزگاکانی ھەرێمی کوردستان”.
ئەو پەرلەمانتارە وتیشی، “لەو ژمارەیە 365 فەرمانبەری بۆ سلێمانی، 265 بۆ هەولێر و 240 فەرمانبەریش بۆ پارێزگای دهۆک دەبێت”.
ئاماژەی بەوەشکرد کە ئەو فەرمانبەرانەی کە دادەمەزرێن هەمان ئەو کەسانەن کە پێشتر لە نوسینگەکانی کۆمسیۆن گرێبەستییان هەبووە و گرێبەستەکانیان نوێدەکرێتەوە.
