هاتوچۆی هەولێر هۆشداریدەداتە كۆمپانیاكانی كڕین و فرۆشتنی ئۆتۆمبێل و دەڵێت، هەر ئۆتۆمبێلێك بێ تابلۆ لەسەر شەقام ببینرێت دەستی بەسەردادەگیرێت.
بەڕێوەبەرایەتیی هاتوچۆی هەولێر لە ئاگادارییەكدا كە ئاراستەی سەرجەم کۆمپانیاکانی کڕین، فرۆشتن و هاوردەکردنی ئۆتۆمبێل كردووە دەڵێت، دەرچوونی ئۆتۆمبێل لە پێشانگا و کۆگاکانتان بۆ هەر مەبەستێک بێت بۆ سەر شەقامە گشتییەکان، بێ بەستنی تابلۆی (ژمارە کاتی) بێت قەدەغەیە.
دەشڵێت، هەر ئۆتۆمبێلێک بێ تابلۆ لە شەقام ببینرێت، راستەوخۆ لەلایەن مەفرەزەکانی هاتوچۆ دەستی بەسەردادەگیرێت و کۆمپانیاکەش سزادەدرێت.
