وتەبێژی بەرگریی شارستانیی دهۆک لەبارەی قوربانییەکانی لافاوەکەی دهۆک بە تۆڕی میدیایی ئێستای راگەیاند، زیاتر لە کەسێک گیانی لە دەستداوە و چەند گەڕەکێکیش چۆڵکراون.
بێوار عەبدولعەزیز، وتەبێژی بەرگریی شارسانیی دهۆک ئاماژەی بەوە کرد،”بەهۆی لافاوەکەوە دوو کەس گیانیان لەدەستداوە و ئاو چووەتە زیاتر لە 100 ماڵەوە و چەندین ئۆتۆمبێلیش ئاو بردوویەتی”.
لەبارەی چۆڵکردنی گەڕەکەکانەوە وتەبێژی بەرگریی شارسانیی دهۆک دەڵێت، “گەڕەکی بەرۆشکی و چەند گەڕەکێکی دیکە لەبەر مەترسییەکانی لافاوەکە چۆڵکراون و ئەو گەڕەکانەش مەترسیان لەسەر بێت چۆڵدەکرێن”.
