بەڕێوەبەرایەتیی نەهێشتنی ماددەهۆشبەرەكان دەستگیركردنی سێ گروپی بازرگانیكردن بە ماددەی هۆشبەرەوە راگەیاند كە لە 10 كەس پێكهاتبوون.
بەپێی راگەیەندراوێكی بەڕێوەبەرایەتیی نەهێشتنی ماددەهۆشبەرەكان كە وێنەیەكی دەست تۆڕی میدیایی ئێستا كەوتووە و تێیدا هاتووە، دوای كۆكردنەوەی زانیاری و بەدواداچوونی بەردەوام و گرتنەبەری رێكارەیاساییەكان، لەرۆژانی 4 و 5 ی ئەم مانگە، سێ گروپی بازرگانیكردن بەماددەی هۆشبەرەكانیان دەستگیركراون كە پێكهاتوون لە 10 كەس.
لە راگەیەندراوەكەدا هاتووە، یەكێك لەم گروپانە هەوڵیانداوە ئافرەت و كچی نەوجەوانان بەكاربهێنن بۆ بڵاوكردنەوەو تووشكردنی كەسانی تر بەم ماددە مەترسیدارە و تەواوی دەستگیركراوان پەڕاوی لێكۆڵینەوەیان بۆكراوەتەوە و دانیان بە تاوانەكانیان ناوە و رووبەڕووی یاسا كراونەتەوە.
