ئەمشەو بۆرییەکی گواستنەوەی غاز لە شاری کەرکوک تەقییەوە و ئاگری گرت و تا ئێستاش کۆنتڕۆڵ نەکراوە.
پەیامنێری تۆڕی میدیایی ئێستا گواستییەوە، “ئەمشەو بۆرییەکی غاز لە ناوچەی باجوانی رۆژئاوای کەرکوک تەقییەوەوە و بەهۆیەوە ئاگرێکی گەورە کەوتووەتەوە”.
ئاماژەی بەوەشکرد، “بۆریەکە بۆری گواستنەوەی غازە لە نەوتی باکوورەوە بۆ کۆمپانیای غازی باکوور، لە ئێستادا تیمەکانی بەرگری شارستانی گەیشتوونەتە شوێنی رووداوەکە و لە هەوڵی کۆنتڕۆڵکردنی ئاگرەکەدان”.
