بەڕێوەبەری بەرگری شارستانیی ئاکرێ رایگەیاند، بەهۆی ئەو لافاوەی لە دوێنێ چوارشەممەوە ناوچەکەی گرتەوە، 127 شوێن لە سنووری قەزای ئاکرێ و دەوروبەری زیانیان بەرکەوتووە.
ئیبراهیم فەریق ئیبراهیم بەڕێوەبەری بەرگری شارستانی ئاکرێ رایگەیاند، “ئەمڕۆ 10 لیژنەمان بۆ خەمڵاندنی لافاوەکەی دوێنێ چوارشەممەی قەزای ئاکرێ و دەوروبەری پێکهێنا”.
ئاماژەی بەوەشکرد، “لیژنەکە سەردانی ئەو خانوو، فرۆشتگا و خوێندنگە و مزگەوت، شوێنی گەشتیاری و شوێنی بەخێوکردنی ئاژەڵانیەی کە زیانیان بەرکەوتبوو لە سنووری ئاکرێ و دەوروبەری کرد”.
ئاشکراشیکرد، “لە سەنتەری قەزای ئاکرێ 102 شوێن و لە ناحیەی باجیل هەشت شوێن، ناحیەی دینارتە هەشت شوێن ناحیەی گردەسێن نۆ شوێن زیانیان بەرکەوتووە، کۆی گشتییان گەیشتووەتە 127 شوێن”.
باسیلەوەشکرد، “لە دوای تەواوبوونی راپۆرتەکان بڕی زیانەکان بە پارە دەخەمڵێنرێت”.
