بەرپرسانی یانەی بەرشلۆنە بیر لە هەنگاوێکی گەورە و قورس دەکەنەوە، ئەویش کڕینی جۆشوا کیمیچی ئەڵمانی-یە بە ئاڵوگۆڕ یاخود نرخێکی گونجاو.
فیران مارتینێز، ڕۆژنامەنووسی “موندۆ دیپۆرتیڤۆ” ئاشکرایکردووە، کە بەرپرسانی یانەی بەرشلۆنە بیر لەوە دەکەنەوە گرێبەست پێشکەشی بایرن میونشن بکەن بۆ گواستنەوەی جۆشوا کیمیچ.
🚨 Joshua Kimmich's representatives have told Barcelona they can get his signing done for €60M.
His camp believe Bayern would let him leave if he informed them he was unhappy.
(Source: @martinezferran) pic.twitter.com/Ko0Eq4TPM1
— Transfer News Live (@DeadlineDayLive) May 18, 2023
سەرەڕای ئەوەی بایرن میونشن بیر لە فرۆشتن ناکاتەوە، بەڵام کەتەلۆنییەکان پێیانوایە کڕینی کیمیچ کەمتر لە کڕینی مارتین زوبیمێندی یاریزانی سۆسیدادی تێدەچێت و دەگاتە (60) ملیۆن یورۆ، بەتایبەت ئەگەر بێتو ئانسو فاتی پێشکەشی یانە باڤارییەکە بکەن.
ئەگەر بارسا لە ئامانجەکەیدا سەرکەوتووبێت، جێگرەوەی بوسکێتس دابین دەکات و لە هەمان کاتدا گرەوێکی گەورە لە ڕیاڵ مەدرید دەباتەوە، کە بە هەمانشێوە خوازیاری فڕفڕۆکەی ئەڵمانیایە.
